Jurgen Klop mori çmimin si trajneri më i mirë i sezonit të fundit, çmim që u dha nga institucioni më i lartë i futbollit, FIFA.
Megjithatë sipas asaj që shkruan “DailyMail”, tekniku gjerman dëshiron që në të ardhmen të drejtojë kombëtaren e Gjermanisë.
Kjo i ka trembur drejtuesit e Liverpulit, të cilët i kanë ofruar trajnerit rinovimin e kontratës, por duket se trajneri nuk do ta pranojë, pasi dëshiron të drejtojë kombëtaren e vendit të tij.
Por tifozët e Liverpulit nuk duhet të shqetësohen, pasi Klop ka kontratë me “The Reds” deri në vitin 2022 dhe largimin po e mendon pikërisht pas përfundimit të kontratës.
Tekniku gjerman ia doli të fitojë Ligën e Kampionëve në sezonin e fundit, teksa ishte shumë afër fitimit të titullit kampion, por në fund nuk ia dolën pasi u renditën 1 pikë pas Mançester Sitit.
