Nuk kanë fund problemet me dëmtimet për Barcelonën në këtë sezon, teksa së fundmi një tjetër lojtar ka shfaqur probleme dhe është larguar nga pjesa tjetër e skuadrës.
Sipas një njoftimi nga klubi katalanas afrimi i kësaj vere, Zhunior Firpo, ka pësuar një dëmtim në stërvitje dhe nuk do të jetë i gatshëm për ndeshjet e sotme kundër Interit.
Një lajm shumë i keq ky për trajnerin Valverde, i cili tashmë nuk ka asnjë lojtar për krahun e majtë të mbrojtjes, duke ditur se në ndeshjen me Dortmundin u dëmtua edhe Xhordi Alba, i cili nuk është rikthyer akoma nga dëmtimi.
Mbrojtësi i cili u afrua nga Real Betisi, ka pësuar një dëmtim muskulor në kofshën e djathtë dhe e ka të pamundur të jetë i pranishëm me katalanasit në një ndeshje të rëndësishme siç është ajo me Interin.
Valverde tashmë në atë krah pritet të aktivizojë Nelson Semedo, edhe pse nuk është roli i tij natyral, por duhet të sakrifikojë për skuadrën, duke ditur që këtë rol e ka bërë edhe më parë.
