Sulmuesi brazilian Gabigol, që këtë sezon po shkëlqen në vendlindjen e tij me skuadrën e Flamengo, ka refuzuar transferimin në Kinë. “Gazzetta Dello Sport” raporton se Beijing Guoan dhe Guangzhoiu Evergrande janë interesuar për sulmuesin 23-vjeçar.
Gabigol është nën kontratë me Interin deri në vitin 2022. Zikaltërit e kanë lënë lojtarin te Flamengo në formë huazimi deri më 31 dhjetor, ku gjatë këtij viti ka shkëlqyer: 32 gola në 43 ndeshje me Flamengo.
Për këtë arsye, ekipet kryesore kineze janë interesuar për sulmuesin Gabigol, që ka refuzuar transferimin. 23-vjeçari pret që të qëndrojë te Flamengo, që pritet të blejë 100% kartonin e lojtarit.