Italia siguroi kualifikimin për në Europianin e vitit 2020, pas fitores 2-0 ndaj Greqisë, dhe në mikrofonët e “Rai Sport”, trajneri Roberto Mançini, e vlerëson paraqitjen e ekipit të tij, ndërsa e shijoi tej mase këtë mbrëmje.
“Ishim shumë mirë sonte. Falenderoj publikun e ‘Olimpicos’ që na mbështetën edhe pse në pjesën e parë nuk ishim shumë shkëlqyes. Ia dedikojmë këtë fitore fëmijëve të spitalit Bambin Gesu. Zakonisht skuadrat na presin në mbrojtje, dhe nuk duhet të përdorim aq shumë topat e gjatë, veçanërisht në një fushë të lagësht si kjo” – u shpreh Maçini.
