Ivan Rakitiç nuk është më një zgjedhje e parë e Valverdes te Barcelona, diçka që e ka mërzitur së tepërmi mesfushorin.
Lojtari kroat ka filluar të mendojë largimin nga katalanasit, me interesimet që në drejtim të tij nuk mungojnë. Milani dhe Interi së fundmi kanë shfaqur interes për të marrë shërbimet e futbollistit, i cili do të pranonte një kalim në Itali.
Megjithatë tani ka dalë në skenë edhe një skuadër tjetër, që kërkon shërbimet e Rakitiç. Sipas asaj që shkruan “Marca”, Atletiko Madridi ka shfaqur interes për të marrë shërbimet e 31-vjeçarit.
Madje thuhet që edhe lojtari e sheh me një sy të mirë kalimin në “Uanda Metropolitano”, transferim i cili gjithsesi nuk do të jetë i lehtë.
