Afrimi i kësaj vere te Interi, Diego Godin, po has vështirësi në mbrojtjen me tre te zikaltërit dhe nuk po tregon formën e tij më të mirë, njëjtë si afrimi tjetër Valentino Lazaro, i cili është aktivizuar shumë pak nga Konte.
Shpesh herë tekniku italian ka lënë të kuptohet, se zikaltërit kanë nevojë për përmirësime në merkaton e janarit. Sipas asaj që shkruan “Tuttosport”, një repart ku Interi pritet të përforcohet në janar, do të jetë mbrojtja dhe veçanërisht krahu i djathtë i saj.
Thuhet se zikaltërit kanë bllokuar mbrojtësin e Parmës, Mateo Darmian, të cilin me shumë mundësi do ta marrin në merkaton e janarit.
Për 29-vjeçarin Interi interesohej edhe në merkaton e verës, por asokohe nuk arritën një marrëveshje me Junajtid dhe tani do të provojnë ta marrin atë në merkaton e ardhshme.