Momente frike dhe paniku për ish lojtarin e Juventusit, Claudio Marchisio. Siç raportojnë mediat italiane, konkretisht “Sportmediaset”, shtëpia e mesfushorit është plaçkitur mbrëmjen e djeshme nga hajdutë të armatosur.
Në atë moment, 34 vjeçari ndodhej në shtëpi së bashku e bashkëshorten. Nga frika për jetën, Marchisio u dorëzua pa kushte, duke i dorëzuar agresorëve të gjithë sendet me vlerë.
Menjëherë pas ngjarjes, futbollisti italian njoftoi policinë, e cila ka nisur hetimet. Për zbardhjen sa më të shpejtë, policia torineze ka sekuestruar të gjithë kamerat e sigurisë përreth zonës, ku pritet të zbulohen edhe autorët.
Marchisio është kthyer të jetojë në Itali tashmë, pas eksperiencës jo të mirë që kaloi te Zenit St. Petersburg. Muajin e shkuar, italiani njoftoi se i dha fund karrierës si futbollist profesionist.
