Ndonëse Reali bëri investime të mëdha në merkaton që lamë pas, përsëri rezultatet nuk janë ato që presin të gjithë.
Presidenti i madrilenëve thuhet se po përgatit një ofertë, për një nga lojtarët më të mirë të Bundesligës. Sipas asaj që shkruan “Daily Mail”, spanjollët kanë përgatitur një ofertë prej 116 milionë euro për sulmuesin e Dortmundit, Jadon Sanço.
Talenti anglez pëlqehet shumë nga madrilenët, të cilët e duan në skuadrën e tyre. 19-vjeçari po shkëlqen te verdhezinjtë në Bundesligë, teksa në 54 ndeshje të zhvilluara në sezonin e kaluar dhe këtë sezon, ia ka dalë të shënojë 17 gola.
Duket e pamundur që Dortmundi t’i rezistojë një oferte prej 116 milionë eurosh, dhe më shumë mundësi do ta pranojë.
