U luajtën mbrëmjen e sotme, pesë sfida të vlefshme për fushatën elimintaore për kualifikueset e Europianit 2020.
Gjermania fitoi pastër në shtëpi, me shifrat 4-0 ndaj Bjellorusisë. Në takimin e zhvilluar në qytetin e Mynshengladbahut, “pancerat” dominuan takimin, ku golat u shënuan nga Ginter, Gorecka, dhe dopieta e Toni Kros.
Po në grupin C, Holanda u ndal në një barazim pa gola në transfertë ndaj Irlandës së Veriut. “Tulipanët” shpëtuan paq, pasi ishin irlandezo-veriorët që në minutën e 32-të, humbën një penallti me Dejvis. Tashmë, në këtë grup Gjermania kryeson e vetme me 18 pikë, ndërsa Holanda e dyta me 16 pikë. Mbetet në vendin e tretë me 13 pikë Irlandae Veriut.
Në takimet e tjera, Kroacia mundi pastër 3-1 Sllovakinë, ndërsa Polonia mposhti 1-2 Izraelin me golat e Kriçoviak dhe Piontek. Më poshtë, rezultatet e plota.
