Italia dhe Spanja e kanë nisur me këmbën në gaz mbrëmjen e sotme, teksa kanë shënuar tre gola në nëntë minuta. Axurrët kanë shënuar dy herë ndaj Armenisë, ku në minutat 8’ dhe 9’, ishin Immobile dhe Zaniolo që ndëshkuan miqtë.
Fillimisht, sulmuesi i Lazios shfrytëzoi në maksimum një krosim të Chiesas dhe shënoi me kokë, ndërsa më pas ishte lojtari i Romës, i cili shënoi i vetëm përballë portierit armen, duke çuar rezultatin në 2-0.
Nga ana tjetër, Spanja shënoi me anë të Fabian Ruiz në minutën e tetë në sfidën ndaj Rumanisë, duke marrë kryesimin. Mesfushori u tregua i vëmendshëm, teksa goditi një top të kthyer nga portieri mik, për të shënuar golin e avantazhit.
