Pas zyrtarizimit të rinovimit të kontratës me Leonardo Bonuçin, në orët e ardhshme do të vijë konfirmimi edhe për portierin Vojceh Shezni, por gjithashtu edhe për Huan Kuadradon.
Gjithsesi, i pari që do të thirret në zyrë nga zëvendëspresidenti Pavel Nedved do të jetë portieri polak, i cili do të nënshkruajë një zgjatje kontrate deri në vitin 2024, ndërkohë që paga e tij do të nisë nga 4 milionë euro në sezonin e parë (2020-2021) dhe do të prekë kuotën 7 milionë euro neto në sezon, në vitin e fundit të kontratës.
Ndërkohë, për mesfushorin ofensiv kolumbian, Kuadrado, marrëveshja e re do të jetë e vlefshme deri në vitin 2022, me opsion për zgjatjen e akordit deri në qershor 2023.
