Interi mposhti me rezultatin 0-3 Torinon ditën e djeshme në transfertë, por në kampin zikaltër përveç fitores kishte edhe lajme negative.
Në fund të pjesës së parë Nikolo Barela pësoi një dëmtim në gjurin e tij të djathtë, dhe për këtë arsye u zëvendësua nga Konte.
Nga pamjet u duk sikur lojtari kishte një dëmtim të rëndë, teksa tek Interi ishin në pritje të përgjigjes nga analizat më të detajuara. Pikërisht ditën e sotme ka dalë edhe përgjigjja e analizave, dhe lojtari do të qëndrojë jashtë fushave për 1 muaj.
Italiani do t’i nënshtrohet një operacioni dhe koha e rikuperimit pritet të jetë rreth një muaj, dhe si pasojë e kësaj lojtari praktikisht e ka mbyllur këtë vit dhe pritet të jetë i gatshëm për zikaltërit në 2020-ën.