Juventusi mposhti me përmbysje Atalantën ditën e djeshme në transfertë, me rezultatin 3-1.
Përveç fitores, nga kjo ndeshje vijnë edhe lajme të këqija për bardhezinjtë. Tre lojtarë të “Zonjës së Vjetër” kanë pësuar dëmtime ditën e djeshme, duke hapur probleme të mëdha për Sarrin. Matajs De Ligt ka pësuar një dëmtim në shpatull dhe do të qëndrojë larg fushave për një periudhë që ende nuk dihet se sa do të jetë.
Gjithashtu dëmtim ka pësuar edhe Federiko Bernardeski, i cili nuk mund të vazhdojë stërvitjen me pjesën tjetër të skuadrës. Një dëmtim muskulor ka pësuar Daglas Kosta, dhe ndryshe nga dy të parët që nuk dihet koha e rikuperimit, për sulmuesin brazilian do të duhet 15 ditë për tu rikuperuar.
E sigurt është që të tre futbollistët do të mungojnë për ndeshjen e së martës në Ligën e Kampionëve, ku Juventusi do të luajë me Atletiko Madridin.
