Milani në merkaton e janarit nuk do të mendojë vetëm për merkaton në hyrje, por do të mendohet dhe për atë në dalje.
Një nga lojtarët që pritet të largohet është Davide Kalabria, mbrojtës i krahut te kuqezinjtë, që nuk po gjen hapësirat e dëshiruara në skuadër.
22-vjeçari është aktivizuar në 10 ndeshje këtë sezon, duke luajtur 718 minuta. Siç raporton “Estadio Deportivo”, është Sevija që ndjek rastin e italianit dhe kërkon që ta transferojë në merkaton e janarit.
Ekipi spanjoll kërkon të përforcohet në krahun e djathtë të mbrojtjes dhe Kalabria duket si një mundësi e mirë për skuadrën andaluziane.
