Situata e vështirë nga tërmeti në Shqipëri i ka prekur të gjithë pa përjashtime, duke futur këtu edhe botën e sportit.
Ndihma të shumta kanë ardhur nga Kosova në drejtim të Shqipërisë, pikërisht për të prekurit nga tërmeti.
Së fundmi Klubi i Basketbollit Golden Eagle Ylli në bashkëpunim me federatën e basketbollit në Kosovë, kanë vendosur të organizojnë një ndeshje humanitare mes Yllit dhe Përfaqësueses së Kosovës në basketboll. 
Ndeshja do të zhvillohet ditën e hënë, dhe të ardhurat nga kjo ndeshje do të shkojnë për familjet e prekura në Shqipëri. Një gjest ky i madh që vjen nga Kosova, të cilët edhe njëherë e tregojnë mbështetjen e tyre për Shqipërinë.
