Skena të frikshme para nisjes së ndeshjes mes Olimpiakosit dhe PAOK-ut.
Në momentin kur autobusi i lojtarëve të PAOK ka mbërritur në stadiumin “Karaiskaqis” në orën 17:00, një grup tifozësh të Olimpiakosit kanë qenë në portën ku duhej të futej autobusi me lojtarët, brenda stadiumit.
Pas 15 minutash negociata, lojtarët e PAOK u ulën nga autobusi, dhe filluan të shkojnë në këmbë drejt dhomave. Në mes të rrugës, gjendeshin edhe më shumë se 20 tifozë të Olimpiakosit, që filluan sulmin verbal ndaj lojtarëve kundërshtarë.
Gjithsesi, aty ndërhyu menjëherë policia, dhe lojtarët u futën për në dhomat e zhveshjeve, ndërsa tifozët e Olimpiakosit dhe policia vijuan përleshjet mes tyre.
PANORAMASPORT.AL
