Ishte planifikuar që ditën e sotme duke filluar nga ora 21:00, të luhej ndeshja e vlefshme për xhiron e 15 në Ligë 1, ajo mes Monakos dhe PSG-së.
Megjithatë kjo ndeshje është shtyrë për në ditë tjetër, dhe shkak për këtë është bërë moti i keq në Principatë. Reshjet e shiut në këtë vend janë të mëdha, duke e bërë të pamundur që ndeshja të zhvillohet sot.
Madje sipas parashikimit të motit, në orët e ardhshme pritet që të jetë një mot akoma edhe më i keq, dhe kjo ka bërë që federata të marr vendimin për shtyrjen e kësaj ndeshje.
Sfida mes këtyre skuadrave do të luhet një ditë tjetër, e cila ende nuk është caktuar dhe për këtë do të merret një vendim tjetër më vonë.
