Një aksident ka ndodhur mbrëmjen e djeshme në Komo të Italisë, me protagonist ish-lojtarin e Interit, Ivan Kordoba.
Ky i fundit ishte duke udhëtuar me makinën e tij tip “Range Rover”, kur pasi mori kthesë u përplas me një motoçikletë. Pikërisht kjo motoçikletë drejtohej nga një burrë 57-vjeçar, i cili pas përplasjes mori dëmtime të shumta.
Gjendja e motoristit si fillim u shfaq shumë e keqe, për shkak të dëmtimeve të mëdha të marra, megjithatë pas ndihmës të marrë nga mjekët ai tashmë shfaqet jashtë rrezikut për jetën.
Ishte pikërisht Kordoba, i cili pasi shkaktoi aksidentin ndaloi menjëherë ndaloi në vend ngjarje duke dhënë ndihmën e parë, për personin e aksidentuar.
