Milani po kalon një periudhë shumë të vështirë këtë sezon, teksa rezultatet e arritura deri tani janë shumë larg pritshëmrive.
Pikërisht për shkak të rezultateve negative, drejtuesit zgjodhën të shkarkonin nga posti i trajnerit Xhampaolon, të cilin e kishin emëruar vetëm në verë, dhe në vendin e tij morën Stefano Piolin. Edhe ky i fundit nuk po arrin rezultate, pavarësisht se loja e kuqezinjve ka ndryshim të madh nga ajo më parë.
Sipas asaj që shkruan “L’Equipe”, drejtuesit e Milanit po mendojë për shkarkimin e Piolit, dhe në vendin e tij të marrin Paulo Sozën. Madje thuhet se italianët kanë nisur kontaktet me teknikun portugez, për t’i besuar atij drejtimin e ekipit.
Megjithatë nuk dihet sa të vërteta janë këto lajme, për shkak se asnjë nga mediat italiane ose ato pranë klubit kuqezi nuk e kanë konfirmuar.
