Autobusi i lojtarëve të Barcelonës është sulmuar mbrëmë rrugës duke u kthyer në aeroport pas fitores ndaj Valencias dhe kalimit në finale të Kupës së Mbretit.
Përkrahësit e Valencias, të cilët i kishin mbushur rrugët përreth Mestallas, hodhën një objekt në drejtim të autobusit me të cilin lojtarët e Barcelonës po largoheshin nga stadiumi, raportojnë mediat spanjolle, përcjell Express.
Besohet se objekti me të cilin u gjuajt autobisu ishte mbushës telefoni. Personi që e ka hedhur atë është kapur menjëherë dhe është dërguar në mbajtje.
Autobusi përfundimisht mbërriti në aeroportin Manises dhe lojtarët e Barçës janë kthyer në shtëpitë e tyre të padëmtuar.
