Derbi “Della Madonnina” i planifikuar për të dielën, më 4 mars në orën 20:45, mund të shtyhet.
Ky është lajmi i bujshëm i “Tuttosport” e cila raporton se Këshilli i Qytetit të Milanos është duke planifikuar të paraqesë një kërkesë zyrtare në ‘Lega Calcio’ për të shtyrë derbin.
Arsyeja? 4 marsi është dita e zgjedhjeve të përgjithshme dhe për forcat e rendit do të jetë më problematike mbulimi i të gjitha vendvotimeve dhe sigurimi i funksionimit të qetë në ngjarjen sportive.
Kalendari i Milanit, me angazhimet në Kupën e Italisë dhe Ligës së Evropës dhe shtyrja e mundshme e ndeshjes mund të jetë problem.
Megjithatë orët e ardhshme pritet të mësohet vendimi zyrtar.
