Refik Halili ka folur për situatën te Tirana. I ftuar në “Zona Gol”, presidenti i bardhebluve ka folur mbi trajnerët që kanë pasur këtë klub më herët.
Më konkretisht është prekur koha kur ka qenë në krye Ze Maria, që si shembull ka bërë djalin e tij, Grent Halili.
“Juli erdhi dhe vendosi skema siç do Juli. I bënte skemat në bazë të mendimeve të tij dhe morëm 5 pikë në 5 ndeshje.
Unë shikoja që ekipi rrinte shumë mbrapa. Ne duam të luajmë futboll dhe nuk duam të rrimë mbrapa: “Kur do ta hamë golin?”.
T’i themi gjërat troç. Trajnerët e Tiranës i kanë bërë gjërat siç i kanë dashur.
Ahmataj nuk më tha asnjëherë se ishte i pakënaqur apo që puna nuk i ecte mirë.
Qendronte i qetë, por pastaj mora vesh që kishte dhënë dorëheqjen.
E për çfarë? Në fakt nuk e kuptoj, pasi ju kishit disa njerëzit tuaj dhe këtu po flas për drejtues të lartë (drejtuar Supersport) që e kërkonin Ahmatajn te Tirana.
Dua të kujtoj pak edhe kohën e Ze Marias.
Ai ka thënë hapur që “therreni” djalin e presidentit që të tremben të gjithë pastaj.
Kurrë nuk kam reaguar, asnjëherë, pasi klubi ka më shumë rëndësi”, ka thënë Halili.
