Prej kohësh Arsenali është në kërkim të një trajneri, për t’i besuar vendin e të larguarit Unai Emeri.
Shumë emra kanë qarkulluar se mund të marrin drejtimin e “Topçinjve”, teksa drejtuesit duket se e kanë bërë zgjedhjen e tyre. Sipas asaj që shkruan “Sky Sport”, drejtuesit kanë nisur kontaktet me Mikel Artetën, i cili aktualisht është ndihmës i Guardiolës te Mançester Siti.
Palët duken afër një marrëveshje, dhe së shpejti Arteta pritet të zbarkojë në Londër, për të nënshkruar kontratën. Në Angli këtë e bëjnë fakt të kryer, teksa për spanjollin do të ishte një rikthim te Arsenali, ku ai luajti nga 2011 deri në 2016.
