Futboll Seria A Sport

“NUK KA GJETUR DASHURINË E JETËS”/ Rebiç, beqari që u martua me “Djallin”. Kroati gati të ngrejë Milanin (FOTO)

Ante Rebiç nuk është një tip i thjeshtë. Është i vendosur, thotë atë që mendon dhe nuk ka gjetur ende njeriun e jetës, diçka jo fort e zakontë për një thuajse 26-vjeçar (i mbush ditën e derbit) që luan në nivele të larta. I shpejtë në fushë dhe misterioz jashtë saj, Rebiç nuk mundi t’i shpëtonte merkatos dhe sidomos Milanit. Ambicie e madhe në proporcion me atë kuqezi, teksa Boban garanton për profesionalizmin e djaloshit të lindur në Split.

Ante Rebic

 KARAKTERISTIKA

Mbase Ante nuk ka këmbët e sofistikuara të shumë bashkëkombësve të tij të njohur, por ka fizik. Përveç shpejtësisë dallohet për fuqinë e tij. Në një 4-3-3-sh të mundshëm do të ishte një sulmues i majtë i përsosur, teksa mbetet ende për t’u kuptuar roli që do të kishte në 4-3-1-2 e Marko Xhampaolos. Nëse pyet Zlatko Daliçin, trajnerin e Kroacisë, fjalët për Rebiçin do të ishin më se pozitive. Është pikërisht ish-trajneri i Dinamos që e shndërroi 25- vjeçarin në një lojtar kyç të formacionit të nënkampionëve të botës. Daliçit në Botëror i mungonin disa futbollistë për ndeshjen me Meksikën dhe ai zgjodhi Rebiçin për të mos e zëvendësuar më kurrë deri në fund të aventurës ruse.

Ante Rebic Milan

AMBICIE

Ante e ka të qartë objektivin dhe nuk humb kohë. Për më shumë informacione, mjafton të kujtojmë se si Kroacia e “shtypi” Argjentinën e Mesit një vit më parë. Kaos në zonën argjentinase dhe topi përfundon në këmbët e Rebiçit. Çdo lojtar do ta kishte ndalur sferën për të goditur, ndërsa sulmuesi i ri i Milanit vendos të godasë fluturimthi për të firmosur avantazhin kroat. Ishte i pari nga tre golat e Kroacisë, por edhe pse koha ka kaluar, Daliç vijon të shohë te Rebiç një shtyllë të kombëtares së tij.

Boban -Rebic - Maldini

Të premten e kaluar ndaj Sllovakisë, kroatët nuk shkëlqyen, e megjithatë goli i Perisiçit erdhi me asist të Rebiçit. Të dy janë shumë miq, por sulmuesi kuqezi preferon të përqendrohet. Edhe kur miku e ngacmoi për të folur italisht, Rebiç e ndali intervistën për të shkuar pa dhënë asnjë koment në dhomat e zhveshjes. Qejfmbetje? Edhe mbase, por pas përvojave italiane me Fiorentinën e Veronën, Rebiç kërkon t’ua ndryshojë mendjen skeptikëve të Serisë A. Kjo lloj qasjeje është treguesi më i rëndësishëm. I vetmi që ka rëndësi. Në cilëndo gjuhë.

Related posts

Barcelona të ardhura rekord nga sponsorat, sot nënshkruan marrëveshjen gjigande

Q.Autor

Fassone dhe Mirabelli në Londër, Milani nuk heq dorë nga sulmuesi spanjoll Morata

Isa.Autor

“ÇMENDURI” NË CHAMPIONS/ Portieri i jep kualifikimin dramatik meksikanëve! (VIDEO)

Delo.autor

Leave a Comment