Papunësia e Karlo Ançelotit pas shkarkimit nga drejtimi i Napolit, ka zgjatur vetëm një javë e gjysmë.
Tekniku italian është zyrtarizuar ditën e sotme si trajneri i ri i Evertonit. Marrëveshja kishte disa ditë që ishte arritur, por zyrtarizimi nga klubi anglez ka ardhur vetëm para pak minutash.
Për italianin është një rikthim në Premier Ligë si trajner, pasi më parë ka drejtuar edhe Çelsin. Tashmë 60-vjeçari do të përpiqet ta ngrejë lart skuadrën e re, si për t’i treguar drejtuesve të Napolit se u nxituan me shkarkimin e tij.
