Manchester United nuk ia del të marrë qoftë një pikë në transfertë me Watfordin në javën e 18-të të Premier League-s. “Djajtë e Kuq” mposhten 2-0 në “Vicarage Road”, duke mos përfituar për të ngushtuar diferencën me Chelsea-n (i fundit në zonën Champions), që luan një sfidë tepër të vështirë me Tottenhamin e Jose Mourinhos.
Një ndeshje e humbur në pjesën e dytë nga të besuarit e Ole Gunnar Solskjaer, që pësuan dy herë nga katër minutave lojë (në fillim të pjesës së dytë). Në të 50-ën Sarr befasoi portierin De Gea me një goditje pa shumë forcë brenda zonës, por me trajektoren e duhur për të përfunduar në rrjetë, ndërsa katër minuta më vonë Aaron Wan-Bissaka shkaktoi një 11-metërsh që u shndërrua në gol nga Deeney. As futja në lojë njëri pas tjetrit e emrave të tillë si Greenwood, Pogba dhe Mata nuk sollën ndryshim tjetër rezultati, me Watrfordin e vendin të fundit që siguroi suksesin e dytë në Premier League, por mbi të gjitha fitoi moralin për të luftuar fort në pjesën e mbetur të sezonit për mbijetesë.
