Trajneri i ri i Arsenalit Mikel Arteta mund të bëjë një lëvizje për mesfushorin e Juventusit Adrien Rabiot në formë huazimi në janar teksa kërkon të forcojë opsionet.
Spanjolli, i cili debutoi në stol ndaj Bournemouth në “Boxing Day”, është duke përgatitur për merkaton e dimrit pas rikthimit në Emirates si trajner.
Mesfusha e Arsenalit shihet si një pikë e dobët. Granit Xhaka përflitet për një largim, ndërsa Torreira dhe Ozil nuk kanë bindur këtë sezon.
Përgjigja e pyetjes mund të jetë francezi Rabiot, i cili nuk ka gjetur hapësira te kampionët e Serie A këtë sezon.
Juventusi ka marrë Rabiot me parametra zero nga PSG verën e kaluar, por lojtari ka bërë vetëm pesë ndeshje nga minuta e parë, dhe Arteta kërkon t’i ofrojë një mundësi për t’u rikthyer i rëndësishëm.
Bëhet fjalë për një huazim deri në fund të sezonit.
