Ka shumë mundësi që Denis Suarez kërkon ta harrojë të kaluarën e tij tek Arsenal, por anglezët nuk e mendojnë kështu, duke parë se Daily Mail vazhdon të shkruajë për të.
Ka qenë pikërisht një artikull i publikuar nga e përditshmja angleze që ka bërë të shpërthejë mesfushorin spanjoll, i cili luan aktualisht me Celta Vigo-n.
25-vjeçari ka pësuar një vjedhje kohët e fundit në shtëpinë e tij, por Daily Mail e ka raportuar lajmin duke specifikuar se hajdutët janë larguar duarbosh pasi nuk kanë gjetur asgjë me vlerë për të vjedhur.
Megjithatë, Denis Suarez është zemëruar për pasqyrimin që i është bërë lajmit në versionin online, ku është shkruar:
“Shtëpia e Denis Suarez, dështim i Arsenal-it, është sulmuar nga hajdutët… që kanë vendosur të mos marrin asgjë, sepse nuk kishte asgjë me vlerë për të marrë!”.
Lojtari ka reaguar duke shkruar në profilin e tij në Twitter: “Çfarë gazetarie është kjo? E neveritshme. Tregoni pak respekt”.
What kind of journalism are you? regrettable. Show a little respect @MailSport https://t.co/gU2Ie0ryxN
— Denis Suarez (@DenisSuarez6) January 4, 2020
