Skuadra e Kategorisë së Parë Egnatia ka arritur të firmosë me futbollistin Brixhild Brahimaj.
Klubi rrogozhinas konfirmon lajmin në faqen e tij zyrtare. Mesfushori me tipare sulmuese u aktivizua për herë të fundit me Vorën në formë huazimi.
Brahimaj ka luajtur në të kaluarën me Elbasanin, Luftëtarin, skuadrën e dytë të Partizanit si dhe në Gjermani me ekipin e Esenit.
Ai u bë i njohur me skuadrën gjirokastrite në 1 vit e gjysmë. Bluzinjtë e mbyllën sezonin 2017-2018 në vendin e tretë, rezultati më i mirë në historinë e skuadrës gjirokastrite.
Njoftimi i Egnatias:
Egnatia dhe mesfushori Brixhild Brahimaj kanë arritur marrëveshje bashkëpunimi, duke e rikthyer nga huazim në ekipin tonë.
I lindur në Fier, 23 vjeçari ka një karrierë të pasur ku ka provuar të luaj në superligë me Luftëtarin dhe Elbasanin në Kategorine e parë.
Sezonin e fundit ishte pjesë e Vorës i huazuar nga Egnatia pasi mungesa e dokumentacionit solli mosfederimin brenda afatit kalimtar te verës.