Përveç sulmuesit Piatek, një tjetër “senator” kuqezi duket në merkaton e dimrit. Oferta vjen sërish nga Aston Villa. Bëhet fjalë për portierin Pepe Reina. 37-vjeçari spanjoll është i etur për të luajtur dhe për të dalë nga hija e Gigio Donnarumma. Ai e njeh mirë Premier League, sepse ka veshur fanellën e Liverpool-it për shumë vite, më parë.
Sipas mediave angleze, Milani nuk do ta pengojë transferimin e Pepe Reina, nëse ai vetë pranon propozimin nga Aston Villa. “Djalli” mund të pranojë një ofertë të ulët ekonomike, duke pasur parasysh rolin dhe moshën e lojtarit, ose ta ofrojë portierin në huazim 6-mujor, me të drejtë blerjeje në fund të sezonit. Kujtojmë se Reina ka një kontratë deri në qershor 2021 me klubin kuqezi.
