Humbja e Barcelonës në kuadër të Superkupës së Spanjës duket se nuk është pritur aspak mirë nga bordi drejtues i kësaj skuadre.
Prej kohësh, kritikat për trajnerin Ernesto Valverde janë të shumta, me tifozët që duan largimin e tij, por bordi qëndronte neutral.
Pas humbjes së mbrëmshme ndaj Atletico Madridit, duket se gjërat kanë ndryshuar paksa për trajnerin.
Pozita e Valverdes është në rrezik dhe bordi drejtues i Barcelonës do të mblidhet të hënën.
Mbrëmë, trajneri i Barcës është shprehur i qetë kur është pyetur për shkarkimin e mundshëm, por duket se ai nuk do të jetë aq i qetë të hënën.
