Do të startojë në orën 18:00, turneu i bamirësisë “Luajmë dhe rindërtojmë së bashku”, mes brezit të artë të kuqezinjve të viteve 2000 dhe një kombëtare yjesh të Italisë, Greqisë dhe Turqisë.
Një event i organizuar nga sindikata e futbollistëve shqiptarë, teksa të gjitha të ardhurat e mbledhura nga ky organizim do të shkojnë për familjet e prekura nga tërmeti.
Për sa i përket numrit të tifozëve që do të jenë të pranishëm në shkallët e stadiumit, Sindikata e Futbollistëve bën me dije për “Panorama Sport”, se janë shitur mbi 8 mijë bileta.
Por, duke parë interesimin në momentet e fundit, pritet që ky numër të rritet dhe në stadium të jenë të pranishëm afro 10 mijë tifozë.
