Futbollisti shqiptar i Zvicrës Pajtim Kasami mori lajmin e gëzuar nga ish-skuadra e tij Fulhami.27-vjeçari, i cili aktualisht aktivizohet me Sionin në kampionatin zviceran u vlerësua për supergolin e shënuar ndaj Kristal Palasit në vitin 2014 në kampionatin anglez si “Goli i Dekadës së Kaluar të Fulhamit”. Gati 5 vite më parë, Kasami kontrolloi topin me gjoksin dhe shënoi fluturimthi ndaj Kristal Palasit.
Për këtë vlerësim, ai ka shprehur falenderimet dhe mirënjohjen për tifozët e Fulhamit dhe se e kupton sot shumë mirë rëndësinë e tij goli.
“Dua t’i falënderoj të gjithë ata që kanë votuar golin tim si ‘Golin më të bukur të Dekadës’. Kjo do të thotë shumë për mua. I vlerësoj po ashtu shumë mesazhet e bukura që kam marrë. Goli im erdhi në mënyrë instiktive, nuk e kam menduar shumë, kurse tani që kanë kaluar mëse 5 vite, e kam kuptuar se me të vërtetë ishte një nga golat më të bukur që i kam shënuar”, shprehet Kasami.
A nice message from @PajtimKasami 👏 #FFC pic.twitter.com/Q3gyFlkO36
— Fulham Football Club (@FulhamFC) January 10, 2020
