Manchester City ka shtypur Aston Villën në transfertë, teksa i ka shënuar tre herë brenda 10 minutave, me Ryiad Mahrez dhe Sergio Agueron që dhuruan spektakël. Algjeriani fillimisht shënoi një gol fantastik, teksa u fut mes mbrojtjes së dendur të Aston Villës dhe mposhti portierin me një goditje perfekte.
Gjashtë minuta më vonë, në të 24-tën, ishte po i njëjti autor, me Mahrez që përfitoi nga rrëmuja në zonë, dukë shënuar golin e 0-2.
Në të 28-tën festë pati edhe për Agueron, me këtë të fundit që shënoi me një predhë nga jashtë zonës.
