Dyshja shqiptare, Marash Kumbulla (Shqipëria) dhe Amir Rrahmani (Kosova) do të zbresë sot në fushë në sfidën Verona-Genoa. Por, në stadiumin “Bentegodi” do të jenë edhe shumë scout të ndryshëm. Napoli ende nuk ka mbyllur për Rrahmani, edhe pse mbetet vetëm firma pasi gjithçka teorikisht ka marrë fund.
Ndërkohë, Kumbulla ndiqet nga Interi, por së fundmi ka hyrë edhe Fiorentina në garë. Vlera e Kumbullës është rreth 10 milionë euro, por vjollcët janë gati, sipas “La Nazione” të investojnë 12 milionë euro për t’ia rrëmbyer zikaltërve. Por, lajmi i fundit sipas medieve italiane është prania e scout kuqezi të Milanit që duan lojtarin gjithashtu!
