Ekipet kërkuese kanë arritur të gjejnë trupin e Kobe Bryant dhe të 8-të viktimave tjera që ishin në bordin e helikopterit në aksidentin e së dielës, ku humbi jetën legjenda e basketbollit.
Tashmë hetuesit janë duke punuar për identifikimin e viktimave.
Tre trupat e parë janë nxjerrë nga rrënojat e helikopterit ditën e diel, kur edhe ndodhi aksidenti dhe viktimat e mbetura u larguan nga vendi i aksidentit ditën e hënë.
Hetuesit po vazhdojnë të punojnë për identifikimin e të gjitha viktimave.
Ende nuk dihen shkaqet që çuan drejt këtij aksidenti, edhe pse dyshohet se moti i keq dhe mjegulla e dendur, të jenë shkaktarët. 
