Lajm i madh për të gjithë shqiptarët, Rey Manaj është grumbulluar nga trajneri Quique Setien për ndeshjen e radhës kundër Getafes. Shqiptari ka shumë fat, pasi momentalisht sulmi i Barçës po vuan shumë nga dëmtimet dhe ky mund të jetë momenti i artë për fierakun.
Manaj e gjen veten në listën e teknikut dhe mund të debutojë në sfidën kundër Getafes. Takim ky që do të luhet nesër prej 16:00. Barcelona B e mori sulmuesin nga Albacete, por ai po stërvitet me ekipin e parë dhe duket se ka bindur numrin një të stolit për ta grumbulluar. Ai do të përpiqet të kthejë ëndrrën në realitet dhe mund të përjetojë debutimin në Camp Nou.
The 1️⃣8️⃣ for #BarçaGetafe! pic.twitter.com/8G3k2NHGCG
— FC Barcelona (@FCBarcelona) February 14, 2020