Marco Tardelli, legjendë e kombëtares së Italisë dhe ish-yll i Juventus-it dhe Inter-it, nuk i ka kursyer tifozët e bardhezinjve.
Në një intervistë të dhënë për La Stampa-n, ai ka folur për Massimiliano Allegri-n dhe për ata që kanë filluar t’ia ndiejnë mungesën për shkak të sezonit jo shumë të mirë të zhvilluar deri tani nga Zonja e Vjetër.
“Nuk ka qenë kurrë shumë i dashur nga tifozët, një fitues i madh me një karrierë për t’u pasur zili, por ka gjithmonë një por”.
“Fitoi me Milan-in, fitoi shumë me Juventus-in, duke arritur dy finale në Champions, dhe në këtë moment është jashtë kampionatit tonë. Tani tifozët e kanë kuptuar se ndoshta nuk ishte dhe aq i keq…”.
