FIFA ka publikuar ditën e sotme renditjen e re për të gjitha kombëtaret, ku ka shumë pak ndryshime, për shkak të angazhimeve të pakta nga publikimi i fundit në 19 dhjetor të vitit të kaluar.
Shqipëria renditet ne vendin e 60-të me 1372 pikë, duke mos pasur ndryshim nga renditja e publikuar më parë. Ndryshim nuk ka pasur as për Kosovën, me dardanët që renditen në vendin e 131 me 1113 pikë.
Në vendin e parë qëndron Belgjika me 1727 pikë, e ndjekur nga Franca me 1726 pikë dhe Brazili në vendin e tretë me 1676 pikë.
Italia ka fituar një vend teksa tashmë renditet në vendin e 18-të me 1539 pikë.
