Nuk kanë fund telashet për Ronaldihno Gauchon dhe vëllain e tij Roberto de Assis. Dyshja u ndalua ditën e mërkurë për përdorimin e pasaportave false.
Pas hetimeve ditën e djeshme u mendua se autoritetet paraguaiane do t’i linin të lirë, por në mbrëmje ka ardhur arrestimi.
Ronaldihno dhe vëllai i tij janë dërguar në një burg të policisë, por që është me sigurinë më të lartë në kryeqytetin e Paraguait, Asuncion. Pritet që ditën e sotme të mbahet edhe gjyqi, ku do të jepet edhe vendimi për legjendën braziliane dhe Roberto de Assis.
