Ylli brazilian i Paris Saint-Germainit, Neymari, i ka falënderuar të gjithë punëtorët shëndetësorë për punën e tyre në luftën kundër përhapjes së koronavirusit.
Shumica e popullsisë së botës, përfshirë këtu futbollistët e profilit të lartë si në rastin e braziliani Neymar, po inkurajohen të qëndrojnë në shtëpitë e tyre për ta limituar sa më shpejt ndikimin e pandemisë globale.
Megjithatë, mjekët dhe infermierët mbeten në vijën e frontit në luftën kundër virusit Covid-19, që ka prekur mbi 245 mijë njerëz në botë dhe i ka lënë të vdekur mbi 10 mijë persona.
Më herët këtë javë, banorët në Itali dhe Spanjë, të cilët janë të vendosur në karantinë, e shfaqën mirënjohjen e tyre për punëtorët shëndetësorë duke i duartrokitur ata.
Neymari e ka ndjekur këtë shembull, duke e publikuar edhe vetë një video ku shihet duke duartrokitur.
“Një duartrokitje e fortë për gjithë profesionistët shëndetësorë. Faleminderit që po e rrezikoni jetën tuaj. #RriniNëShtëpi”, shkroi Neymari mbi video. /Gazeta Express/
Uma salva de palmas a todos os profissionais da saúde 👏🏽👏🏽👏🏽👏🏽 obrigado por arriscar suas vidas ❤️❤️❤️ #ficaemcasa #StayHome pic.twitter.com/FQe8FSwy0i
— Neymar Jr (@neymarjr) March 20, 2020