Jean-Gerard Benoit Czaika, agjenti i talentit të Lille, Victor Osimhen, i ka mbyllur dyert një transferimi të afrikanit në Serie A, me Interin që kohët e fundit kishte ndjekur me interes të madh sulmuesin që u ble verën e shkuar nga francezët për të zëvendësuar largimin e Pepe te Arsenali.
Por, sytë e gjysmës së Europës janë te djaloshi i talentuar, që deri tani ka shënuar 13 gola në 27 ndeshje dhe madje ka dhënë edhe 5 asist në Ligue 1. Vetëm 21 vjeç, Lille e pagoi 12 mln euro nga Charleroi dhe tani pretendon ta shesë rreth 50 mln euro.
“Interi? Absolutisht jo! Nuk ka asgjë. Nuk besoj se rritja e tij do të vazhdojë në Itali. Kjo sepse aty ka një problem tepër të rëndësishëm: racizmi”.
