Ish-sulmuesi i Milanit, Maksi Lopez ka paralajmëruar se në rast të dhënies së titullit në tavolinë për Juventusin, ashtu siç ndodhi në Francë me PSG-në, atëherë do të plasë luftë botërore.
Duke vënë theksi te fakti se Lotito bën pjesë në bordin drejtues të federatës dhe ka qenë i gatshëm për rifillim prej kohësh duke qenë se është vetëm 1 pikë pas Juventusit, argjentinasi Lopez shton se në Itali duhet ndërhyrja e UEFA-s ose FIFA-s për të vendosur fatin e sezonit.
“Në rast se në Itali bëjnë atë që bënë në Francë, atëherë do të ndodhë një luftë botërore. Këtu është situatë krejt ndryshe. Presidenti i Lacios, Klaudio Lotito është pjesë e bordit të federatës.
Të ishte për atë, atëherë futbolli do të kishte rifilluar që para 1 muaji. Në vendin tonë duhet ta marrë vendimin një organ më i madh si UEFA apo FIFA,” tha Lopez për “TyC Sports”.
