Garat e Cmimit të Madh të Anglisë dhe Hungarisë në Formula 1 do të zhvillohen, por pa tifozë për shkak të coronavirus. Organizatorët e këtyre dy garave kanë marrë vendimin për të mos u ndalur, por për t’i zhvilluar rregullisht garat, sipas kalendarit.
Gara e Anglisë do të zhvillohet më 19 korrik, ndërsa ajo e Hungarisë më 2 gusht.
“Nuk ka qenë një vendim i lehtë, por duke parë situatën kemi vendosur ta zhvillojmë garën në kushtet maksimale të sigurisë së personave”, tha Stuart Pringle, drejtori i pistës britanike të Silverstone.
Gara e Anglisë pritet të zhvillohet pas dy garave radhazi që do të zhvillohen në pistën austriake të Spielberg, më 5 dhe 12 korrik.
