Armando Sadiku i ka të gjitha mundësitë të kapë shifrën e 14 golave të shënuar në një sezon me skuadrën e Malagës.
Sulmuesi kuqezi, i cili ka shënuar 10 gola në 26 ndeshje të La Liga 2. Futbollisti i kombëtares së Shqipërisë po kalon një nga edicionet më të mira në karrierë për sa i përket aspektit personal.
28-vjeçari ka në dispozicion 11 ndeshje për të arritur kuotën e 14 golave në kampionat, statistikë e arritur më parë te Malaga nga Sandro Ramirez (ish-lojtar i Barcelonës) në sezonin 2016-2017 dhe Salomon Rondon në sezonin 2010-2011. Madje, Sadiku ka mundësinë e mirë të tejkalojë numrin e 14 golave.
Sadiku është shprehur se ndihet i lumtur te Malaga, por pas përfundimit të sezonit duhet të diskutojë me klubin e Levantes, i cili ka kartonin e tij.
Sezoni 2019-2020 konsiderohet si sezoni i “rilindjes” së Sadikut për shkak të dëmtimeve të vazhdueshme që ka patur në vitet e fundit.
