Bylisi ka mposhtur me frymën e fundit Skënderbeun.
Ballshiotët fituan me rezultatin 1-0 falë penalltisë të shndërruar në gol nga portieri Isli Hidi në minutën e 94′.
Ishte një ndeshje e qetë nga të dyja skuadrat, që nuk kishin shumë mundësi për shënim, ndonëse edhe temperaturat e larta kishin ndikim në këtë ndeshje.
Vetëm në minutat e fundit të ndeshjes, Bylisi u hodh tërësisht në sulm për të kërkuar golin, por pa sukses pasi korçarët ishin vendosur mirë prapa dhe provonin me kundërsulme.
Pas kësaj fitore, Bylis pozicionohet në vendin e 7-të me 43 pikë të grumbulluara.
