Mishel Platini u përjashtua me katër vite nga futbolli në vitin 2015 për korrupsion, por mesa duket telashet nuk paskan fund për francezin. Ish-kreu i UEFA-s në vitet 2007-2015 ështa akuzuar sërish nga organet në Zvicër.
Platini akuzohet për keqmenaxhim dhe shpërdorim detyre nga kryeprokurori i Zvicrës. Hetimet po kryhen edhe për ish-kreun e FIFA-s Sep Blater. Shkak i kësaj akuze janë 2 milion franga që Platini mori nga FIFA në vitin 2011.
“The Associated Press” raporton se akuzat janë shkruar që me datë 5 qershor në letrën e prokurorit Tomas Hodbrand. Platini mohon akuzat ku ai akuzohet për keqmenaxhim, shpërdorim, dhe falsifikim.
