Ndonëse kontrata e tij skadon në verën e vitit 2022, dje media angleze ka nënvizuar faktin se Pep Guardiola ka nisur të lëkundet, për sa i përket të ardhmes së tij te Mançester Siti, duke qenë se ky ekip mund të mbetet pa Champions për dy sezone me radhë.
Dhe, për t’i lëshuar një sinjal të fortë trajnerit spanjoll, drejtuesit e Sitit i kanë ofruar dje rinovimin e kontratës Guardiolës, edhe për dy sezone të tjera, duke konfirmuar pagën prej 20 milionësh në vit, por spanjolli ka refuzuar.
Dhe, sipas medias angleze, kaq mjafton që pista “Juve” të rindizet, me bardhezinjtë që nuk kanë hequr kurrë dorë nga Guardiola dhe madje janë gati të hidhen në sulm, që këtë verë, nëse Sitit i konfirmohet dënimi në KAS për dy sezone pa Kupa Europe.
