Mançester Siti do të luajë pa sulmuesin kryesor Serxho Aguero përballë Real Madridit në ndeshjen e kthimit të fazës së 1/16-ave të Ligës së Kampioneve në 7 gusht.
Lajmi u konfirmua nga trajneri i “Qytetarëve” Pep Guardiola. Sulmuesi argjentinas u dëmtua në gju në ndeshjen kundër Bërnlit, e fituar 5-0. Lojtari duhet t’i nënshtrohet një operacioni kirurgjikal në gju dhe e ka të pamundur të rikuperohet në kohë për sfidën e rëndësishme të 7 gusht me ekipin spanjoll.
Mançester Siti niset si favorit për të kaluar në fazën tjetër, pasi fitoi ndeshjen e parë në Madrid 1-2.Në rast kualifikimi në çerekfinale, “Qytetarët” do të përballen me fituesin e çiftit Juventus-Lion.