Interi po mendon lëvizjen e madhe në merkato. Skuadra zikaltër synon që të afrojë mesfushorin N’Golo Kante në Milano. Antonio Conte e pëlqen shumë kampionin e botës dhe shpreson që klubi të sakrifikojë për të.
Numri një i stolit duhet të bindë drejtuesit që të marrin në Itali mesfushorin francez. Rroga e futbollistit peshon shumë, pasi francezi paguhet mjaft mirë te blutë e Londrës. Një lëvizje e tillë do të sillte shumë cilësi në mesfushën e zikaltërve.
29-vjeçari nga krahu tjetër nuk e sheh me skepticizëm një largim nga Londra. Ai mund të kërkojë një aventurë të re në një kampionat tjetër. Frank Lamoard nuk e konsideron si të pashitshëm Kanten.
